Den bettelnden Vereinen ins Album "Goggrüezi! Min Name isch Weckerli. Ich bi us Schudlike. Und will ich etz ufere Reis grad bi Giesshüblike verbii chume han ich e chliises Aalige a Sie. Ich ha nämli zue mir uf Schudlike en ganze Cheib voll Fründ iigglade, mir mached es grosses Fäscht. Aber das choscht en Huuffe Gäld und ich ha keis. Und ebe drum han ich Sie wele um e Schpände bitte." "Was gaat dänn mich ihres Fäscht zSchuldike hine-n-aa? Was gaat dänn das miiich aa, wänn Sie es Fäscht mached und kei Gäld händ? Sind dänn Sie eigentli verruckt??!!" "Aber äxgüsi, Sie als Presidänt vom Underhaltigskomitee vome Verein zGiesshüblike händ doch mir und jedefall na vilne Andere unbekannterwiis en Brief gschribe, Ihren Verein heb als Landsektion es Fäscht, aber kei Gäld, zum de Schtadtverband mit Ehre zempfange und Gabe zverteile und ich söll doch bitti öppis schpände. Sind dänn Sie eigetli verruckt??!!

---